Humarsoð

Humarsoð

Slatti af humarskeljum (einna helst afgangar)

½ Laukur

3-7 hvítlauksrif (fer eftir því hversu mikið hvítlaukur er á skeljunum)

2 Sveppir

1-2 meðalstórar gulrætur

Smá steinselja

1tsk Paprikuduft

2 mtsk Karrí

Fiskikraftur (má einnig setja kjúklingakraft)

3 mtsk Tómatpúrée

2 mtsk Worchestersósa

1 tsk Sjávarsalt

(saffran þræðir ef það er til)

3 mtsk Smjör 

1.5 - 2 lítrar af vatni

(Ég not oft það sem er til og er það í raun hentusemi hvað fer í soðið. Það sem má sleppa er sveppirnir, gulrótin, steinseljan, paprikuduft, safran þræðinir) 

Undirbúningur

Hreinsið humarinn. Skerið allt grænmetið niður, flysjið ef þarf.

Eldun

Byrjið að léttbrúna skeljanar í smjörinu á frekar lágum hita, því næst er öllu grænmetinu bætt útí og einnig kryddunum nema Tomatpurée og Worchestersósan. Brúnið í um það bil 3 mínútur. Því næst skulu þið bæta tómatpuréeinu og worchestersósunni og leyfir þessu að malla í mínútu eða svo. Að lokum er vatninu hellt yfir. Leyfið þessu að sjóða í 2-3 tíma.

Ég mæli með að smakka til og þá vil ég sérstaklega benda á að karrí getur gert töfra fyrir soðið. Þannig verið óhrædd að bæta því við ef þörf er á því.

Sigtið og frjósið það sem þið notið ekki núna.