Fylltar kjúklingabringur með sætum kartöflum og jógúrtsósu - Mjög hollur

Þetta er réttur sem ég hef eldað lengi. Hins vegar hef ég bætt hann og leikið mér með hann í einhvern tíma. Undanfarið hef ég unnið að gera hann hollann. Í dag er hann orðinn mjög hollur. Það besta er þó að hann er fáránlega góður á bragðið.

Uppskriftin er fyrir 2

Fylltar Kjúklingabringur Innihald:
2 kjúklingabringur
Slatti af sojasósu
4 hvítlauksgeirar
Smá Engifer (helst ferskt)
Pipar

Fylling (má í raun vera hvað sem er en mér þykir best):
Ólífur (blandaðar)
Sólþurkaðir tómatar
1/4 - 1/2 Laukur
Smá feta ostur


Sætarkartöflur innihald:
2 stykki sætar kartöflur
Olía
Salt (maldon)
Svartur Pipar (nýmalaður)


Júgúrtsósa innihald:
1 dolla hrein jógúrt
1 hvítlauksgeiri
1/4 Agúrka
Karrý krydd
Svartur Pipar


Aðferð


Fylltar kjúklingabringur:
1. Byrjar að taka fat sem er nógu stórt svo að kjúklingabringurnar geta legið í því. Þú setur sojasósuna í það ásamt pressaða hvítlauknum(já þú átt að pressann). Síðan tekuru engiferið og sker það mjög smátt og bætir út í. Kryddar.
2. Því næst eru kjúklingabringurnar teknar og skorið hola efst á þær (þar sem þær eru þykkastar).
3. Settar í mareneringuna og leyft þeim að liggja þar í einhvern tíma. 15 min nægir en best er að hafa í þó nokkurn tíma.
4. Setur Ólífurnar, sólþurkuðu tómatana, laukinn og feta ostinn í hakkara (einnig hægt að skera mjög smátt). Þessu er troðið inní kjúklinginn.
4.1 Gott er þó að taka eitthvað til hliðar því eftir að fyllingin hefur snert kjúklinginn þá er ekki leyfilegt að borða þann hluta. Það er vegna hættu á salmonellu og einhverju ógeði.
5. Tekur bringurnar úr marenringunni og fyllir þær af fyllingunni.
6. Steikir á sitthvoru hliðinni á sjóðheitri pönnu í tvær mínútur og setur síðan inn í ofn, í um það bil 20-25 min. Þó skal skera í kjúklinginn áður en hann er borðaður til að sjá hvort að hann sé ekki pott þétt eldaður í gegn.


Sætarkartöflur:
1. Byrjar á að skera þær í sneiðar.
2. Setur þær á álpappír og setur smá af olíu á hverja hlið.
3. Stráir yfir salt og pipar
4. Sett inn í ofn. Eldunartími er mjög misjafn eftir þykkt sneiðanna. Best er bara að pota í þær með gafli og ef þær eru mjúkur þá eru þær tilbúnar.


Júgúrtsósa:
1. Tekur hreinu jógúrtina og setur í skál.
2. Tekur agúrkunar og skerð í mjög litla bita og bætir út í.
3. Kreistir hvítlaukinn og bætir við.
4. Kryddar með karrý, pipar og öðru sem þér dettur í hug.


Með þessu mæli ég með að sé borið fram salat. Sérstaklega salat með tómötum og ferskum mozerella osti.
-----------------------
Hvernig var hann? Það sem misheppnaðist eða mætti fara betur?
Þetta var bara fáránlega gott. Þessi réttur klikkar ekki.
Reyndar var ég eitthvað tregur að nenna að setja kjúklingabringunar inn í ofn og ætlaði bara að klára þetta á pönnunni. Það gekk ekki og ég endaði að setja inn í ofn.
Lék mer að því að setja papriku duft í jógúrtsósuna og það kom vel út.
Átti ekki til lauk í fyllinguna og það kom líka fínt út.

Lúxus hamborgari með piparrótarsósu og steiktum sveppum

Ég fór einhvern tímann á vegamót og fékk hreindýraborgara þar með piparrótarsósu. Hann var svo góður að ég var að pæla að panta annan skamt, en ég vildi ekki vera algjör fitubolla. Síðan þá hefur mig langað til að elda hamborga sem væri eitthvað svipaður. Málið er að ég er alltaf að reyna finna mat sem er hollur (eða semi hollur) en ótrúlega góður. Það gengur ekkert sérstaklega vel. Hins vegar er þessi hamborgari hollari en flestir og það er vegna þess við sleppum majones sósunni og frönskunum.
Ég ákvað samt í þetta skipti að gera hann ekki hollan og fyllan með osti og steikja sveppi með.



Þessi uppskrift er fyrir 4

Hamborgarar innihald:
700 gr af ungnauta hakki / hreindýr ef það er til (180 gr. stykkið)
1 laukur
nokkur stykki jalapeno
1 egg
1 tsk worchester sósa (má sleppa)
gráðostur (má einnig vera cheddar eða einhver annar góður ostur)
Svartur pipar (nýmalaður)
Salt (maldoni)
Hamborgarakrydd


Piparrótarsósa innihald:
1 dl sýrður rjómi
2 msk Piparrót
1 tsk Tapasco
1 tsk Sojasósa
1 tsk limesafi
1 tsk sykur
pipar og salt


Steiktir sveppir:
Olía (eða smjör ef þú vilt vera grand á því)
Hvítlaukur (má sleppa en mun betra með)
Salt (maldoni)
Svartur Pipar (nýmalaður)

Aðferð:

Hamborgari:
1. Saxið lauk og jalapeno smátt, blandið síðan við hakkið. Takið eggið og worchester sósuna og setjið í sér í lát og hrærið saman. Blandið svo varlega við hakkið svo að það verður ekki of blautt.
2. Finnið leið til að koma ostinum inn í. Getið búið til kúlur og skafað innan úr honum, sett ostinn inn og lokað. Ég ákvað að gera átta kúlur. Þrýsta hverri niður (bý til hamborgara), set ostinn inn og skelli svo annari yfir og loka.
3. Móta hann til og krydda hann með salti, pipar og hamborgarakryddi
Hamborgari undirbúningur:
4. Grilla þá eins og vil hafa þá

Piparrótarsósa:
1. Hrærið sýrðan rjóma
2. Bætum út í rifinni piparrót ásamt limesafa, sykri, tabasco og sojasósu.
3. Salt og pipar bætt í
4. Smakkið til og kælið smá stund

Steiktir sveppir:
1. Sker niður sveppina í sneiðar
2. Set þá á pönnuna með heitri olíunni
3. Bæti útí rífnum hvítlauknum, saltinu og piparnum.
4. Steiki eftir smekk (persónulega vil ég hafa þá vel steikta, um að gera að smakka bara á milli)

Síðan er bara að skella þessu saman. Njótið

-
Hvernig var hann? Það sem misheppnaðist eða mætti fara betur?
1. Hann var mjög góður en aðeins of mikið af of sterkum brögðum (gráðostur, piparrót og mikið af kjöti). Næst ætla ég að sleppa að hafa gráðost og minnka kjötið í 140 gr.
2. Einnig ákvað grill kúturinn að verða gaslaus því þurfti ég að steikja allt heila klabbið.

Draumur verður að veruleika

Nú hef ég ákveðið að reyna skrifa sem flestar af mínum uppáhalds uppskriftum hér á þetta blogg. Tilgangur þess er aðalega fyrir mig, svo ég týni ekki góðum og einnig er þá auðveldara að velja úr. Hver veit nema ég setjist svo í gagnrýnendastólinn einhvern daginn og gagnrýni hina ýmsa staði.

Nú er bara að vera duglegur!

Kv Eldhús-Jakob