Grilluð Kjúklingabringa al a Jakob

Undanfarin mánuð er ég búinn að vera á einhverju matarprógrammi. Sem væri ekki frásögufærandi nema að á þessu prógrammi þá á ég að éta fáránlega mikið af prótínum og þá sérstaklega úr fisk eða kjöti með lítilli fitu. Það þýðir að ég hef meira og minna étið fisk eða kjúklingabringur núna í 19 daga. Ég er því búinn að prófa allan fjandann er varðar marineringar og eldanir.

Nema hvað að ein bull marineringin sem ég setti í skál bar höfuð og herðar yfir allar hinar uppskriftinar. Án djóks ég sagði alveg upphátt "nammi" þegar ég fékk mér fyrsta bitann. Nokkrum dögum síðar endurtek ég leikinn og aftur var þetta einn besti kjúklingur sem ég hef smakkað.

Holl og fáránlega góð!

Grilluð Kjúklingabringa a la Jakob

4 bringur
2 mtsk góð ólífuolía
3-5 hvítlauksgeirar
1 þumall ferskt engifer
tsk worchester sósa
Sítrónusafi úr 1/4 sítrónu
1/2 sítróna eða allavega semi slatti af sítrónu-zesti (húðin af sítrónunni)
Handfylli hnetur (ég var með hunangsristaðar chilli hnetur)
Smá fersk kryddjurt, ég notaði steinselju (má sleppa)
tsk dijon-sinnep (má sleppa)
Sjávarsalt og pipar

1. Setjið olíuna í skál og kreistið hvítlauksgeirana og engiferið með pressu ofan í.
2. Því næst setjið þið worchester sósuna, sinnepið, sítrónusafann og hærið öllu saman.
3. Bætið kjúklingabringunum saman við og saltið og piprið. Veltið þeim vel upp úr því sem er komið í skálina.
4. Takið svo hneturnar, myljið þær og setjið í skál. Skerið svo einnig ferskukryddjurtina smátt og bætið saman við muldu kryddjurtinar. Stráið svo þessu svo nokkuð jafnt yfir kjúklingabringurnar.
5.Að lokum er svo sítrónusestið rifið ofan á bringurnar með rifjárni. Saltað og piprað aftur.
6. Hrærið vel í. Látið svo standa í 30 mín eða lengur.

Grillað
7. Best er að taka bringurnar (á stofuhita) og setja þær beint á heitasta staðinn á grillinnu. Reynið að snerta eins lítið við þeim og þið getið þegar þær eru komnar á grillið því annars missa þær vökva.
8. Eftir um það bil 5 min eru þeim snúið við.
9. Að lokum eru þær svo settar á minni hita og leyft að eldast í gegn.

Gott er að bera fram með sætri kartöflu, slatta af salti og hvítlauksbættri Raita (jógúrt-gúrku sósunni inverskunni) eða bara dijon sinnepi.

Fáránlega hollt, og lygilega gott!

Ps. þetta er ekki ein flókið og það virðist vera hér. 
pps. held að þessi uppskrift myndi líka passa vel í heimatilbúið kebab 

Pasta carbonara

Þessi uppskrift er fengin að láni hjá ítalska kokkinum Giada De Laurentiis.

Pasta carbonara

Slatti af panchetta eða beikon (skorið í bita)
6 egg, á stofuhita
1/2 bolli rjómi (má jafnvel vera meira)
1 1/2 bolli rifinn parmesan ostur
Penne pasta
4 matskeiðar ferskt steinselja
Sjávarsalt og svartur pipar

1. Steikið beikonið á pönnu þar til það er gull litað og crispy. Saltið og piprið og takið svo pönnuna af hitanum. 
2. Setjið eggin og rjómann í skál. Saltið og piprið. Setjið parmesan ostinn í. Geymið þó smá til að setja yfir. 
3. Sjóðið vatn í stórum pott. Setjið salt og olíu í vatnið. Sjóðið pastað þar til að það er al a dente, eða í um það bil 8-10 mín. 
4. Þegar pastað er tilbúið þá skulu þið taka það úr pottinum en ekki skola af því með vatni. Á meðan pastað er enn þá heitt, setjið það á pönnuna með beikoninu og hrærið vel. 
5. Að lokum bætið þið svo eggjablöndunni saman við. Athugið að ekki á að hita pönnuna sérstaklega. Egginn og rjóminn á fyrst og fremst að eldast með hitanum frá pastanu og mögulega volgri pönnunni. 
6. Setjið smá parmesan ost og steinselju yfir. 

Voila!  

Það er fáránlega gott að bera þetta fram með salatinu hér að neðan. Ég veit að það hljómar ekki sem best en guð minn góður hvað það passar vel saman við.

Þetta er reyndar ekki alveg sama pasta en ég læt það sleppa því það lítur næstum alveg eins út.

Tuna Salat

1 dolla af túnfisk í dós í olíu
1 dolla cannelini baunir (hvítar). Hreinsaðar með vatni. 
1/4 bolli capers
4 matskeiðar af red wine vinegar
1 rauðlaukur (skorin í þunnar sneiðar)
1 1/2 bolli cherry tómatar
2 bollar klettasalat
5 stykki af ferskum basil laufum

1. Setjið túnfiskinn í salatskálina en geymið olíuna í annarri lítilli skál. 
2. Bætið baununum og capersinum út í. 
3. Í skálina með olíunni skuli þið bæta við red wine vinegar (1/3 vinegar, 2/3 olía, hægt er að bæta við olíuna með extra virgin eða annarri olíu). 
4. Hellið dressingunni saman við og leyfið því að liggja saman á meðan þið skerið grænmetið. 
5. Bætið tómötunum og lauknum útí.
6. Saltið og piprið. Og bætið basil við.
   

Ostastangirnar Miklu

Þegar ég var lítill þá var uppáhalds maturinn minn í öllum heiminum ostastangirnar á Hard Rock. Í dag eru þær ófáanlegar um allan heima og hef ég því lengi reynt að herma eftir uppskriftinni. Hér að neðan er það besta sem ég hef getað hingað til.

Ostastangirnar Miklu

Mozerella ostur (Gulur, ekki þessi hvíti)

2 Egg

Hveiti

Brauðmylsnur  (brauð, mögulega með kryddi og olíu, sem er hitað í 20 min í 150 gráðu ofni)

Oreganó

Hvítlaukskrydd

Pasley

Parmesanostur

1. Blandið saman Brauðmylsnum, Oreganó, Hvítlaukskryddi, Parsley og parmesanosti í skál. 
2. Skerið Mozerella ostin í jafn stórar stangir.
3. Takið stangirnar og dýfið þeim fyrst í eggið, svo í hveitið og svo í brauðmylsnunar. 
1. Ef þess þarf þá má endurtaka ferlið. Setja aftur í eggið og brauðmylsnunar. 
4.  Því næst skal setja eina stöng í einu ofan í olíuna. Hver stöng er djúpsteikt í um það bil 1 mínútu. 
5. Tekið upp úr og kælt

Ráð: Setjið tré (eitthvað) ofan í olíuna og ef það bublar í kringum þá er olían rétt heit.

 
Þetta er svo borið fram með salsa sósu eða heimatilbúnri marinara sósu.

Appelsínu önd

Ég á ekkert í þessari uppskrift. Ég fékk hana lánaða en man því miður ekkert hvar. En góð er hún. Þetta er ekki það auðveldasta sem ég elda aðalega vegna þess að það er smá erfitt að ná öllu tilbúnu á sama tíma og krefst þess að maður sé í eldhúsinu meira og minna í 2 tíma. Þetta er samt algjörlega þess virði því betri mat fæ ég nánast ekki.

Appelsínu önd

Andarbringur (ein á mann er venjulega nóg þó gott sé að hafa 1-2 auka).
Salt og pipar

Appelsínu Sósa

Fitan af öndinni (það sem er á pönnunni)

Mtsk beikon

½ rauðlaukur

Mtsk villisveppir

3 mtsk Sykur

100 ml vatn

200 ml safi úr appelsínum

2 mtsk appelsínu þykkni

300 ml soð af öndinni

1-2 mtsk Andar kraftur frá Oscar

100 ml Rjómi

Salt og pipar

Aðferð

Byrjið á að setja villisveppina í volgt vatn (upphitað). Þeir eiga að liggja þar í 10-15 min. Skerið beikonið í bita og saxið laukinn.

Skerið rákir í fituna á öndinni. Nuddið sárið með salti og pipar. Steikið öndina fitumegin á þurri pönnu í 3 mínútúr og 1 mín á hinni hliðinni. Setjið andarbringurnar til hliðar (viskustykki yfir) og byrjið á sósunni.

Forhitið ofninn á 190 gráður. 

Notið sömu pönnu og öndin var steikt á með aukafitunni. Steikið beikonið, sveppina og laukinn. Bætið sykrinu saman við ásamt vatninu. Leyfið að sjóða í 2-3 mínútur. Því næst bætið þið við appelsínusafanum og þykkninu. Sjóðið niður um sirka helming. Tekur um 30-50 mínútur. Setjið til hliðar og byrjið aftur á öndinni.

Setjið öndina inní öfn á grind í 5 mín. Fyrir neðan skulu þið hafa fat með vatni (sirka 600 ml). Eftir 5 mín skulu þið taka öndina út í 5 mín. Setja öndina aftur inn í 5 mín og endurtakið ferlið þar til að öndin hefur verið inní ofninum í 15 mín. Ástæðan af hverju þetta er gert svona er að þið eruð að reyna að halda öndinni bleikri en fitunni stökkri og góðri. 

Að lokum eru endurnar teknar út og leyft að jafna sig á meðan þið klárið sósuna. Bætið við soðinu úr ofnskúffunni, ásamt andarkraftinum. Sjóðið í smá stund. Lækkið hitann, bætið rjómanum út í og smakkið til. 

Gott er að bera fram með brúnuðum kartöflum, salati og waldorf-salati.